69 të vdekur nga sulmet me armë në Nigeri, shpallet ditë zie

07:43 | 5 Nëntor 2021
S D

Nigeria ka shpallur dy ditë zie kombëtare nga e premtja, pasi të paktën 69 persona u vranë në një sulm nga kryengritësit e dyshuar islamikë.

Sulmi ndodhi në jugperëndim të vendit, pranë kufirit me Malin.

Asnjë grup nuk ka marrë përgjegjësinë për këtë ngjarje tragjike, që ndodhi të martën.

Sulmuesit ikën përtej kufirit në Mali, duke marrë me vete të vdekurit e tyre.

Ministria e Brendshme në Nigeri tha se një delegacion i kryesuar nga kryetari i bashkisë së Banibangou ishte zënë pritë në një fshat rreth 55 km larg, në rajonin perëndimor Tillaberi. Në një deklaratë, ajo fajësoi “banditë të armatosur të paidentifikuar”.

Nigeria po përballet me kryengritje xhihadiste në kufijtë e tij me Malin, Burkina Fason dhe Nigerinë. Më shumë se 500 njerëz janë vrarë në dhunën e kryengritësve këtë vit në jugperëndim të vendit.

Në mars, rreth 137 njerëz u vranë gjatë bastisjeve të koordinuara në tre fshatra nga xhihadistët e dyshuar, shkruan BBC./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm